Аналитика
Од втори јануари 2024 година МБИ10 и ОМБ ќе се пресметуваат по новиот состав, утврден по извршената редовна ревизија од страна на Комисијата за берзански индекс.
Берзанскиот индекс МБИ10 ќе го сочинуваат обичните акции издадени од Комерцијална банка АД Скопје, „Гранит“ АД Скопје, „Алкалоид“ АД Скопје, „Макпетрол“ АД Скопје, „Македонијатурист“ АД Скопје, „Македонски Телеком“ АД Скопје, НЛБ Банка АД Скопје, Стопанска банка АД Скопје, ТТК Банка АД Скопје и УНИ Банка АД Скопје. Елементите ги определи Комисијата врз основа на Методологијата за пресметување на МБИ10.
За ОМБ – индексот на обврзници на Македонската берза, согласно Методологијата, Комисијата утврди дека елементи ќе бидат: обврзниците за денационализација-четиринаесетта емисија (RMDEN14), обврзниците за денационализација-петнаесетта емисија (RMDEN15), обврзниците за денационализација-шеснаесетта емисија (RMDEN16), обврзниците за денационализација-седумнаесетта емисија (RMDEN17), обврзниците за денационализација-осумнаесетта емисија (RMDEN18), обврзниците за денационализација-деветнаесетта емисија (RMDEN19), обврзниците за денационализација-дваесетта емисија (RMDEN20), обврзниците за денационализација-дваесет и прва емисија (RMDEN21) и обврзниците за денационализација-дваесет и втора емисија (RMDEN22).
Следната редовна ревизија на индексите е предвидена за 17 јуни идната година.
