Аналитика
„Дали помладите генерации размислуваат да инвестираат во акции? Според статистиката, многу малку од нив се решаваат на таков чекор и најчесто тргуваат на онлајн платформи, кои често имаат спорна правна надлежност во случај да се прекршат правата на клиентите. Според првиот човек на Македонска берза, Иван Штериев постои можност да се тргува од телефон и од компјутер и на нашата берза, но барем еднаш мора да се посети банка или брокер кои се членки на Берзата. Ова е само дел од разговорот во поткастот „Каде се парите? со Горан Теменугов“
Во Македонија во моментот од податоците од Централниот депозитар има некаде околу 64.000 физички лица акционери во било која фирма, при што ако направите анализа на старостната структура, ако добро паметам, над 80 % се акционери постари од 50 години. Така да, тоа има и свое објаснување, пак да се вратиме на приватизација, луѓето тогаш добивале акции. Во меѓувреме остареле, но покажува дека нема нов наплив на млади луѓе кои купуваат акции. Многу е тоа деликатно и важно прашање во круговите на оваа помлада популација, не е купувањето на домашниот пазар и на домашната берза, што би рекле они некое постигнување (achievement). Tie би сакале да купат некоја Тесла, би сакале да купат… злато, платина, нешто да тргуваат за такви работи. Тоа е лесно достапно во денешно време со сите овие дигитални платформи…“
Премиерата е во четврток, во 12.00 часот на пладне, а потоа кога сакате може да не гледате на нашиот ЈуТјуб канал кој ќе го најдете ако во пребарување на кирилица напишете пари. Ќе ви се појавиме и тие сме.
Секако, секоја содржина што ја подготвуваме за вас е бесплатна, но затоа многу ни значи ако притиснете „сабскрајб“ и почнете да не следите. Секое добро, и се гледаме премиерно секој четврток или кога и вие да посакате потоа.
