Аналитика
Европската комисија предлага да се мобилизираат до девет милијарди евра средства за периодот 2021-2027 година за поддршка на економското приближување на западен балкан кон ЕУ, пред се преку инвестиции и поддршка за конкурентност и инклузивен раст, одржлива поврзаност и зелена и дигитална транзиција.
Комисијата предлага огромното мнозинство на оваа поддршка да се насочи кон клучните продуктивни инвестиции и одржливата инфраструктура на Западен Балкан.
Инвестицискиот капацитет на регионот се вели дека ќе се зајакне со лансирање нови гаранции за Западен Балкан, со амбиции за потенцијален раст на инвестициите до 20 милијарди.
„Целта на овој економски и инвестициски план е да се поттикне долгорочно закрепнување, со зелена и дигитална транзиција, што ќе доведе до одржлив економски раст, спроведување на реформите неопходни за напредок на патот на ЕУ и приближување на Западен Балкан до единствениот пазар на ЕУ“, соопшти ЕК.
Планот, како што е посочено, има за цел ослободување на неискористениот економски потенцијал на регионот и значителен простор за зголемена интра-регионална економска соработка и трговија.
