Аналитика
Македонска берза потврди дека Халк банка и официјално е нејзината 11-та членка. Преку која заинтересираните наскоро ќе можат да иницираат купопродажни трансакции.
„Ве известуваме дека врз основа на Одлуката бр.02-923/1 донесена од страна на Одборот на директори на Берзата, овластениот учесник на пазарот за хартии од вредност Халк Банка АД Скопје е примен во членство на Македонската берза АД Скопје“, објавија од берзата.
А, за тоа кога Халк банка ќе стартува со оваа активност – вршење услуги со хартии од вредност, се посочува дека јавноста ќе биде информирана со дополнително известување.
Неодамна, најавувајќи го новиот член, главниот извршен директор на Македонска берза истакна дека тоа ќе ја зајакне конкуренцијата, но и дека на пазарот на капитал му се потребни поголеми и подиверзифицирани финансиски посредници.
М.А.
