Аналитика
Една од најголемите банки во светот, лондонската HSBC, ги објави финансиските резултати за 2020 година. Добивката пред оданочување падна за 34 проценти на 8,78 милијарди долари. Сепак, тоа е малку поголема сума отколку што првично се надеваа инвеститорите. Банката, и покрај тоа, исплати дивиденда од 15 центи по акција.
HSBC генерира огромен удел на приходи во Азија, што е разбирливо со оглед на тоа што е основана во 1865 година во Хонг Конг под британска администрација и потоа била преименувана во холдинг компанија од страна на Хонг Конг и Шангајската банкарска корпорација во 1991 година. HSBC останува, технички гледано, најголемата европска банка во однос на локацијата на седиштето, иако средствата со кои располага претежно доаѓаат од Азија. И покрај падот на профитот од 34 проценти, годишната заработка е 50,43 милијарди долари, што е за 10 проценти помалку од 2019 година.
Покрај ситуацијата поврзана со пандемијата, деловното работење на банката во последно време не е фаворизирано од постојаниот конфликт помеѓу Кина и “економскиот Запад.”
