Основачот на „Хелоу Кити“ го предаде бизнисот на својот внук

Деведесет и двегодишниот основач на компанијата, која го создаде брендот „Хелоу Кити“, заминува по 60 години од челната позиција и ја предава работата на својот внук.

Шинтаро Цуџи се повлекува на 1 јули од позицијата извршен директор на компанијата „Санрио“, а неговото место ќе го заземе внук му Томокуни Цуџи (31). Шинтаро останува на функцијата претседател, пишува Си-ен-ен. Цуџи ја основа „Санрио“ како продавница „Јаманаши силк центер“ во 1960 година, а називот го променила во „Санрио“ во 1973 година. „Санрио“ била една од првите јапонски компании која видела потенцијал во лиценцирање ликови, а „Хелоу Кити“ е најпопуларна и најпрофитабилна креација на оваа компанија.