Халкбанк со нова филијала во населба Влае

Халкбанк АД Скопје со големо задоволство ги поканува своите сегашни и идни клиенти да ја посетат новата филијала на банката во населба Влае во Скопје на ул.1606 бр. 2, 1000 Скопје, Македонија, во рамките на „Garden Inn Residence”.

Во новата филијала ќе бидат достапни сите производи и услуги на Халкбанк АД Скопје (платен промет во земјата и странство, електронско банкарство, кредитирање на правни и физички лица, штедни влогови, брз трансфер на пари преку Western Union, издавање VISA и MasterCard платежни картички и сл.), ќе се презентираат сите новини кои Банката постојано ги воведува на пазарот, и пред сè, ќе се градат блиски и квалитетни релации со сите постоечки и нови клиенти.

Со својата присутност во градот преку отварањето на нови филијали Халкбанк АД Скопје се повеќе се приближува до потребите на граѓаните, правејќи уште еден чекор понапред кон достигнувањето на својата цел, да биде што поблиску до своите клиенти и квалитетно да им одговори на секојдневните банкарски потреби на граѓаните и на стопанствениците.

Работното време на филијалата е од 08:30 до 16:30 часот од понеделник до петок.

Халкбанк АД Скопје на крајот на 2020 година достигна број од 43 филијали во вкупно 20 градови во државата. На овој начин придонесе за континуиран раст и постојано отворање на нови работни места.