Аналитика
Њујоршката банкарска групација Голдман Сакс ја зголеми својата прогноза за економскиот раст на Кина од претходните 4,7 отсто на 4,9 отсто во 2024 година, откако официјален Пекинг претстави низа мерки за зајакнување на економијата и зголемување на потрошувачката.
Голдман Сакс очекува и економскиот раст на Кина да биде 4,7 отсто во 2025 година, што исто така претставува нагорна корекција во споредба со претходната прогноза за раст од 4,3 отсто, пренесува Блумберг.
Креаторите на политиката во Кина се свртеа од цикличното управување со политиката за да се фокусираат повеќе на економијата, велат аналитичарите на Goldman Sachs.
Кинеските власти најавија и дека денеска ќе преземат дополнителни чекори за олеснување на бизнисот во земјата, вклучително и стимулации за стартап компании чија пазарна вредност надминува една милијарда долари, пренесува Танјуг.
Како што е наведено, Кина сака да ги постигне своите економски цели и да забележи економски раст од околу пет проценти на крајот на 2024 година.
Њујоршката група, сепак, предупредува дека најавените мерки на владата во Пекинг веројатно не можат да ги решат долгорочните структурни предизвици во Кина како што се влошувањето на демографската ситуација, повеќегодишниот тренд на раздолжување и притисокот за намалување на ризиците во глобален синџир на снабдување.
