ОФИЦИЈАЛНО ВИРУСОТ ЈА ВТУРНА ГЕРМАНИЈА ВО РЕЦЕСИЈА

Економијата на Германија падна за 2,2 проценти во првиот квартал на 2020 година, што е официјално потврдено откако во петокот беа објавени официјалните податоци за најсилната европска економија.

Падот од квартал во квартал е најголем од финансиската криза во 2009 година, објави федералната канцеларија за статистика Дестатис.

Германија има пад на БДП за два последователни квартали, што технички значи дека падна во рецесија.

Помалку од две недели карантин поради пандемијата на коронавирус беа доволни за да се поремети економската слика на Германија.

„Ова е најсилното назадување по глобалната финансиска и економска криза во 2008/2009 година и втор по големина пад по германското обединување”, изјави Алберт Бракман од Германската служба за статистика при денешното презентирање на првичните резултати.

Намалување бележат и извозот, приватната потрошувачка и инвестициите, додека зголемените државни издатоци и робустната градежна бранша спречија посилен пад. Но, тоа не е најлошото: за тековниот втор квартал експертите предвидуваат минус во економскиот раст од дури 18,5 проценти , највисок од постоењето на Сојузна Република Германија.

Германија забележа и пад на вработеноста, прв од 2013 година.

Германскиот министер за финансии Питер Алтмаер минатиот месец предупреди дека земјата се соочува со најлоша рецесија во повоената историја.