Аналитика
Дојде ерата на мобилната вештачка интелигенција, а раните корисници веќе уживаат во придобивките на најновата иновација. Поттикнати од вештачката интелигенција, Samsung направи значајни ажурирања на апликацијата Try Galaxy за да ги понуди функциите Превод во живо (Live Translate), Помош за разговор (Chat Assist), Помош за белешки (Note Assist), Помош за фотографирање (Photo Assist) и Пребарување со заокружување на Google (Circle to Search with Google) – така што оние што сè уште се двоумат, можат да ги искусат функциите на Galaxy AI без менување телефони.
Претходно приспособена за корисниците на iOS, апликацијата Try Galaxy сега е достапна на сите уреди со Android, вклучувајќи ги и моделите Galaxy[1] за прв пат. Ова значи дека повеќе корисници можат да ги истражуваат најновите функции на серијата Galaxy S24 и One UI 6.1.
Што е ново: Истражете ги функциите на Galaxy AI преку виџети и упатства
Ажурираната апликација Try Galaxy го симулира искуството на гледање во вистински почетен екран на Galaxy S24. Откако корисниците ќе влезат во апликацијата, упатствата и интерактивната содржина им помагаат да се движат по најновиот интерфејс.
Новиот виџет на втората страница од почетниот екран ги воведува основните функции засилени со вештачка интелигенција на серијата Galaxy S24 и нејзините напредни алатки за камерата. Корисниците можат да ја допрат секоја ставка за да гледаат кратки видеа кои ги објаснуваат функциите и како тие се применуваат во секојдневниот живот. Ознаките за потврда се појавуваат покрај прегледаните ставки за корисниците да можат да го следат нивниот напредок.
Подолу е даден преглед на новите функции на вештачката интелигенција, истакнати во виџетите:
- Превод во живо (Live Translate): Комуницирајте без јазични бариери користејќи ја функцијата за двонасочен превод на повик во реално време, вградена во домашната апликација. Без напор стапете во контакт со такси компанија или направете резервација во ресторан во странска земја со гласовни и текстуални преводи на телефонски повици поддржани на 13 јазици[2].
- Помош за белешки (Note Assist): Водете белешки како и обично, но сега ќе добиете инстант резимеа генерирани со вештачка интелигенција за поедноставување и организирање на белешките. Претворете ги густите пасуси во точки со заглавија за полесен преглед. Функцијата овозможува автоматско форматирање, проверка на правопис и преводи.
Помош за разговор (Chat Assist): Прилагодете го тонот на која било текстуална порака за одредена пригода, почнувајќи од професионална до секојдневна. Испратете до шефот рафинирани агенди за состаноци и разговарајте со пријателите од странство
[1] Апликацијата Try Galaxy е достапна на паметни телефони со Android OS со најновата верзија на Chrome, но може да не биде совршено оптимизирана во зависност од моделот на уредот, поставките, големината на екранот итн. Апликацијата работи на Safari, на iPhone 7 и понова верзија со iOS 14 или понова верзија.
[2] Поддржани јазици се: кинески, англиски, француски, германски, хинди, италијански, јапонски, корејски, полски, португалски, шпански, тајландски и виетнамски.
- на шпански. Вештачката интелигенција вградена во тастатурата Samsung може, исто така, да преведува пораки во реално време на 13 јазици2 за да можат корисниците подобро да комуницираат преку културните и јазичните бариери.
- Помош за фотографирање (Photo Assist): Направете совршена фотографија со помош на функцијата Генеративно уредување (Generative Edit), алатка за вештачка интелигенција, која им овозможува на корисниците да ја менуваат големината, позицијата на фотографијата или дури и да отстрануваат објекти од фотографиите. Веднаш подесете ја композицијата на фотографијата со функцијата Предлог за уредување (Edit Suggestion). Користете ја алатката Erase Reflection за автоматско отстранување на несаканите сенки и рефлексии од светлината.
- Пребарување со заокружување на Google (Circle to Search with Google): Со заокружување, барајте сè што е прикажано на екранот без да менувате апликации. Кога корисниците ќе забележат нешто што им се допаѓа во објава на социјалните мрежи, тие едноставно можат да го притиснат копчето Home и да нацртаат круг околу сликата за да добијат инстант и корисни резултати од пребарувањето на посакуваната ставка. Во зависност од локацијата, ќе бидат обезбедени генеративни прегледи засилени со вештачка интелигенција.
Покрај функциите на вештачката интелигенција, виџетот ги истакнува напредните алатки на камерата на серијата Galaxy S24. Преку имерсивни видео упатства снимени од прва рака, корисниците можат да научат како да прават јасни, светли фотографии ноќе и од далеку со помош на Nightography Zoom, да снимаат стабилни видеа од објекти кои се движат со голема брзина со функцијата Super Steady и да снимаат импресивни портрети и селфи во режимот Portrait mode.
Други ажурирања и достапност
Додека ја користат апликацијата, корисниците можат да ги проверат и новите Galaxy теми или позадински слики, надвор од менито со Позадини, понудени на Galaxy S24 Ultra. Како бонус, достапни се за преземање три типа на уметнички позадини, вклучувајќи графити и поп-арт.
За да дознаат повеќе за екосистемот Galaxy, корисниците може да поминат низ информативните картички кои воведуваат функции, како што се беспрекорно поврзување со повеќе уреди, можности за споделување датотеки и податоци достапни преку Samsung Health. За брз вовед во најновото искуство со преклопување, корисниците можат да гледаат воведни видеа кои ги прикажуваат Galaxy Z Flip5 и Z Fold5.
Апликацијата Try Galaxy моментално поддржува 20 јазици[1] кои опфаќаат 120 земји и има веќе над 18 милиони кумулативни преземања од нејзиното лансирање во 2022 година. Преземете ја ажурираната апликација со едноставно скенирање на QR-код или посетете ја trygalaxy.com.
За Samsung Electronics
Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, носивите уреди, таблетите, апаратите за домаќинство, мрежните системи и меморија, LSI системите, лиените и LED решенија и обезбедува беспрекорно поврзано искуство низ својот SmartThings екосистем и отворената соработка со партнерите. Најнови вести на Samsung Newsroom: http://news.samsung.com/mk/.
[1] Апликацијата е поддржана на арапски, поедноставен кинески, традиционален кинески, чешки, англиски, француски (FR/CA), германски, унгарски, индонезиски, италијански, јапонски, корејски, португалски, руски, латиноамерикански шпански, шпански, шведски, турски и виетнамски.
