Запознајте ја Гаја Х – одговорот на Европа за “cloud” индустријата на САД и Кина

Двете најголеми економии во Европската унија се надеваат дека ќе имаат одговор на доминацијата што ја имаат американските и кинеските компании во “cloud” компјутерската индустрија.

Одговорот е Гаја Х. Амазон, Мајкрософт, Гугл и Алибаба се 4те главни играчи на глобално ниво кога станува збор за cloud услуги. Сепак, европските креатори на политики се загрижија за нивната зависност од малиот број на технолошки компании, кои не се европски. Таков беше случајот особено откако Соединетите држави донесоа закон во 2018 година, кој ги принудува американските фирми да ги предаваат податоците на американските власти, дури и ако тие се чуваат на друго место во светот. Германија и Франција имаат загриженост дека податоците на европските граѓани се изложени на ризик.

„Гаја Х е двостран пристап кон проблемот со кој се соочуваме во Европа и проблем со кој се соочува секоја компанија во светот во моментов“, рече Марко-Александар Бреит, шеф на вештачката интелигенција на „Танс форс“ на министерството за економија во Германија, за „Си-Ен-Би-Си.

„Ние комбинираме инфраструктурни услуги како складирање на податоци, обработка на податоци во Европа, но таа е отворена за учество дури и за компании кои не се од европско потекло, се додека тие се придржуваат кон нашите правила и се придржуваат кон нашите стандарди“, рече Брејт, кој раководи со проектот Гаја Х во Германија. Француско-германскиот проект, кој започна во 2018 година, има за цел да обезбеди сигурна инфраструктура на податоци, истовремено дозволувајќи им на компаниите да ги пренесуваат податоците преку границите.

Неговиот главен принцип е да им овозможи на европските нации да станат дигитално суверени. Тоа е „прв чекор кон голема амбиција“, рече Декстер Тилиан, висок аналитичар во индустријата во „Фич Солушнс“. Досега се вклучени повеќе од 300 организации ширум светот, вклучително и Оринџ, Дојче Телеком и САП. Целта е да се започне инфраструктурата кон крајот на 2020 или почетокот на 2021 година. Гаја Х, на пример, ќе им даде на давателите на здравствени услуги да разменуваат податоци и алгоритми на безбеден начин со други болници во нивна близина.

Од друга страна, тоа може да помогне во трансплантациите за итни случаи и со други состојби кои се опасни по живот. „Нема да биде лесно тој производ да го најде своето место“, рече тој, наведувајќи ги буџетските и техничките ограничувања. Годишниот буџет за Гаја Х е 1,5 милиони евра (1,7 милиони американски долари). Како и да е, Брејт рече дека верува дека тие навидум ограничени финансиски ресурси „не се важни“.