ДЕНОВИ НА ФИНАНСИСКА ПИСМЕНОСТ: Рокот за пријавување истекува утре

Доколку сакате да се пријавите за предвидените едукативни видео презентации на темите Монетарна политика, Финансиска стабилност и Платен систем и платежни услуги, што ги организира Народната банка во рамки на Деновите на финансиска писменост, тоа ќе може да го сторите најдоцна до утре.

Деновите на финансиска писменост ќе се одржуваат од 24 до 26 ноември 2020.

Презентацијата за Монетарна политика ќе биде на 24 ноември, за Финансиска стабилност на 25 ноември, а за Платен систем и платежни услуги на 26 ноември, а сите ќе бидат на интернет и ќе почнуваат во 14 часот.

Презентациите ќе бидат наменети за заинтересирани граѓани со основно и со понапредно ниво на знаења, односно ќе ги опфатат како основните, така и подеталните аспекти од наведените области.

По секоја презентација е предвидена можност за прашања од граѓаните и дискусија со стручните лица од Народната банка.

Заради организирање на презентациите во зависност од искажаниот интерес, сите заинтересирани граѓани треба да го најават своето присуство преку порака на е-адресата [email protected] или на официјалните страници на Народната банка на социјалните мрежи „Фејсбук”, „Твитер” и „Инстаграм”. Притоа, секој заинтересиран граѓанин треба да наведе за која презентација/тема најавува присуство.