Хрватска и Бугарија во чекална уште две години

Хрватска и Бугарија може да влезат во еврозоната во јануари 2024 година, рече еврокомесарот Валдис Домбровски.

Двете земји кои се дел од Европската Унија минатата недела, беа примени во чекалната за примена на евро валутата, позната како ЕРМ-2, каде треба да поминат најмалку две години, работејќи за да ги исполнат критериумите на Мастрихт.

„Верувам дека  овие земји ќе бидат подготвени за евро валутата во 2023 година, но „традицијата е еврото да се воведе во јануари, што не води до 1 јануари 2024 година“, рече Домбровски во интервјуто со новинарите во вторникот.

Тој додаде дека самото членство ќе помогне во зголемувањето на довербата кај меѓународните инвеститори и ќе ги направи двете земји попривлечни за инвестиции.

Европската централна банка во петокот соопшти дека двете балкански нации ги исполнуваат критериумите за последниот чекор пред смена на валутата. Банката исто така, постави основни стапки за нивните валути, на кои ќе им се овозможи да варираат во опсег од плус или минус 15% во однос на еврото.

Домбровски истакнал дека планираното проширување на валутната зона сведочи за постојаната привлечност на еврото и ја зајакнува неговата меѓународна улога.