Аналитика
Додека пандемијата на коронавирус сè уште трае, економиите на повеќето земји на ОЕЦД почнаа да се опоравуваат од ефектите од 2020 година. Според податоците акумулирани од The Economist, Ирска е нацијата со највисок пораст на бруто домашниот производ БДП помеѓу четвртиот квартал на 2019 и третиот квартал на 2021, зголемувајќи се својот домашен производ за 22,3 отсто. Иако е импресивен, овој резултат е исклучок наместо норма како што покажува табелата, која ја изготви германскиот сајт Статиста.
По Ирска доаѓа Чиле со пораст од 10,4 отсто во БДП, додека земјите кои ги завземаат од трето до шесто место покажуваат поскромен раст меѓу 2,1 и 3,5 отсто. Европските земји најтешко погодени од вирусот, меѓу кои се Велика Британија, Португалија, Шпанија и Италија, сè уште не закрепнале од почетокот на пандемијата, при што нивниот БДП се намалил помеѓу 1,3 и 6,6 проценти. Но, иако Обединетото Кралство, на пример, се чинеше дека е на добар пат да постигне имунитет на стадо по борбата со Делта варијантата на коронавирусот, оваа земја моментално се наоѓа на второто место во светот кога станува збор за нови случаи со 157.758 инфекции регистрирани на 3 јануари поради континуираното ширење на високо преносливата Омикрон варијанта. Шпанија, земјата со најголем пад на БДП на листата од 23 земји на ОЕЦД, анализирани од „Економист“, моментално е на третото место со 93.190 нови случаи, додека сè уште страда од недостаток на приход од туризмот во изминатите две години.
Иако бруто домашниот производ сам може да понуди само слика на економското здравје на една земја, тој сепак е валиден показател сам по себе. За да се утврди подетално рангирање, аналитичарите на Економист собраа и податоци за промените во доходот на домаќинствата по лице, вложувањето на државниот капитал, цените на акциите и односот на јавниот долг кон БДП. Кога се разгледува оваа проширена анализа, Данска, Словенија и Шведска беа економиите кои најдобро се снајдоа по пандемијата досега, а на последно место се Јапонија, Велика Британија и Шпанија.
