Аналитика
Претседателот на трговската комора на Австрија, Харалд Махрер истакна дека Австрија е заклучена и секоја недела, тоа Австија ја чини 1, 7 милијарди. Тој се залага за постепено и забрзано отворање на деловни активности кои страдаат од вакво заклучување. Во Австрија бизнисите се затворени скоро три месеци поради пандемијата.
Махрер предупреди дека доколку бизнисите не се отворат до 8 февруари, загубите ќе бидат огромни.
„Заклучувањето чини 1,1 милијарди евра секоја недела, и ако на тоа се додадат дополнителни ефекти, тогаш таа сума ќе порасне на 1,7 милијарди евра“, нагласи тој.
Во интервју за австрискиот портал Хеуте, тој изјави дека продолжувањето на заклучувањето ќе значи, како што рече, уништување на работните места до Велигден. Марер смета дека повторното отворање на бизнисот во овој момент би било безбедно и дека социјалните партнери се согласуваат.
Тој потсети дека има протоколи за тоа како да се однесуваме во пандемија, дека маските FFP2 мора да се носат, тестираат и вакцинираат. Австриската стопанска комора спроведе истражување меѓу граѓаните кое покажа дека 72 проценти од испитаниците го поддржуваат отворањето деловни активности до 8 февруари.
Од друга страна, беше наведено дека 14 проценти од нив сметаат дека треба да останат затворени. Работодавците ги повикуваат властите да им овозможат што побрзо да работат и да предупредат на крајно негативните последици доколку тоа не се случи, пренесува австрискиот весник „Курир“.
