Детектирани лажни телефонски повици кон клиенти на Охридска банка

Охридска банка АД Скопје ги известува своите клиенти дека се детектирани лажни телефонски повици, во кои извесни лица се претставуваат како вработени во Охридска банка и од клиентите бараат лични податоци.

Од Охридска банка апелираат до клиентите, доколку се сомневате дека сте контактирани од непознати лице и доколку од вас се побарани ваши лични и/или сензитивни информации како број на лична карта, број на картичка, матичен број и слично, Банката ве замолува да им се обратите на маил адресата [email protected] и да им доставите име и презиме на лицето кое ве контактирало и ви се претставило, како и телефонскиот број од лицето кое ве контактирало.

Банката понатаму ќе присапи кон проверка на податоците и ќе ги извести надлежните служби во Министерството за внатрешни работи.

Исто така Банката, ќе достави одговор и до клиентот кој доставил пријава преку меил адресата: [email protected]

Одговорот ќе биде задолжително потпишан со дигитален сертификат.

Охридска банка АД Скопје ги известува клиентите дека вработените во Банката располагаат со потребните информации за своите клиенти, и истите не вршат телефонски повици за обезбедување на податоци од овој тип од своите клиенти.

Банката се оградува од сомнителните телефонски повици и по истите ќе постапи согласно Законот, а по пријава од клиентите.