Аналитика
Поради големата сума на средства од буџетот за време на пандемијата и послабата наплата на данок, дефицитот во САД оваа година достигна рекордни 3,1 илјади милијарди долари, што е три пати повеќе отколку во 2019 година, објави денес “Гласот на Америка.”
Дефицитот е повеќе од двојно поголем отколку за време на кризата во 2009 година, кога изнесуваше 1,4 трилиони долари.
Според Асошиејтед Прес, годинашниот дефицит претставува 15,2 проценти од бруто домашниот производ (БДП), што е највисок процент од Втората светска војна.
Проекцијата за дефицитот годинава беше до илјада милијарди долари, но поради вирусот, затворањето на економијата, големите алокации од буџетот за помош на граѓаните и падот на даночните приходи, таа е многукратно поголема.
Во текот на оваа година, приходите паднаа за 1,2 проценти, а трошоците од буџетот се зголемија на дури 47,3 проценти, или 6,55 илјади милијарди долари – повеќето од нив беа за помош на компаниите и оние кои останаа без работа.
Околу 22 милиони Американци останаа без работа во март и април кога економијата заглави поради пандемија. Милиони луѓе се уште се во несигурна ситуација и очекуваат помош од владата.
Сепак, договорот за исплата на федерална помош на невработените од Конгресот и Белата куќа не е одложен од крајот на јули, кога беше исплатена последната транша од помошта.
