Аналитика
Танцување, совети за готвење, шминка и… вашето следно интервју за работа? Социјалната мрежа Тик Ток е изненадувачка нова алатка за компаниите за вработување.
Како резултат на пандемијата, стапката на невработеност во Велика Британија се искачи на највисоко ниво, а оние под 25 години претрпеа најголема загуба на работа. За ваков статистички сегмент од населението направена е нова понуда .
ТикТок тестира нова алатка за вработување, која ќе дејствува како посредник помеѓу потенцијалните кандидати и компаниите. Целта е работодавците да започнат да ја користат платформата на оваа социјална мрежа како средство за пребарување на вработените.
Во моментов, ТикТок ја тестира услугата со голема група на компании, вклучувајќи големи брендови и најпознати спортски лиги. Алатката на компанијата ќе функционира како посебна страница, каде што огласувачите можат да објавуваат списоци со барани работни места, а за возврат, „обичните“ корисници ќе можат да објавуваат видеа од ТикТок наместо традиционалниот документ за биографија во писмена форма.
Воведувањето на оваа нова опција беше објавено во Вашингтон пост, со детални совети за кариера и видео интервјуа. TikTok потсети дека хаштагот # careeradvice имал повеќе од 80 милиони прегледи до крајот на февруари, што всушност ја охрабри компанијата да ја пушти новата услуга на пазарот што е можно поскоро.
„Ние сакаме луѓето да посегнат преку нашата мрежа не само за забава, туку да научат нешто ново, да стекнат нова вештина или едноставно да се инспирираат да направат нешто што никогаш порано не го направиле. „Сега тие можат да добијат работа“е наведено во соопштението на кинеската социјална мрежа.
Бидејќи пазарот на трудот продолжува да се менува и развива, барањето работа преку TikTok станува иднина на вработувањето.
