Аналитика
Во 2023 година, земјите од БРИКС колективно заземаа историски удел од 35,7% во глобалниот БДП во однос на паритетот на куповната моќ (ППП), што бележи зголемување од 0,6 процентни поени во споредба со претходната година.
Од основањето во 2006 година, блокот забележа пораст на неговиот глобален економски удел за 10,2 процентни поени, се вели во анализата на Спутник врз основа на податоците на Светска банка.
Спротивно на тоа, земјите од Г7 забележаа пад на нивните економски показатели на 29%, најниско во последните 30 години, губејќи 0,4 процентни поени на годишно ниво.
Од 2006 година, учеството на Г7 во глобалниот БДП е намалено за 9,7 процентни поени.
Севкупно, глобалниот БДП во однос на ППП достигна 184,7 трилиони долари во 2023 година, што одразува зголемување од 7% во однос на претходната година.
Во меѓувреме, останатите земји надвор од овие големи блокови учествуваа со 35,3% од светскиот БДП, одржувајќи стабилен удел од 1990 година, флуктуирајќи во опсег од еден процентен поен.
БРИКС блокот обединува 10 земји: Бразил, Кина, Русија, Индија, Јужна Африка, како и Египет, Етиопија, Иран, Саудиска Арабија и Обединетите Арапски Емирати. Групата Г7 се состои од САД, Јапонија, Германија, Франција, Велика Британија, Канада и Италија.
Неодамнешните случувања околу американскиот долар предизвикаа загриженост кај меѓународните финансиски институции, поттикнати од најавата на рускиот претседател Владимир Путин во врска со потенцијалните валутни реформи во рамките на БРИКС+.
Институциите како ММФ и Џеј Пи Морган забележаа оддалечување од доларот од страна на бројни земји, вклучително и членките на БРИКС, поради геополитичките тензии и економските зависности.
Истовремено, долгогодишниот американско-саудиски договор за петродолар истече, дозволувајќи и на Саудиска Арабија да ја диверзифицира продажбата на нафта надвор од американскиот долар, што потенцијално ќе влијае на американската економија.
