Боинг со огромни загуби во првиот квартал

Американскиот производител на авиони „Боинг“ во средата објави загуба од 537 милиони долари во првиот квартал од 2021 година. Компанијата изјави дека годинава очекува „силно закрепнување“.

„Додека ефектите на Ковид-19 остануваат предизвик за целиот пазар, ние ја гледаме 2021 година како клучна пресвртница за нашата индустрија бидејќи дистрибуцијата на вакцините се забрзува и работиме заедно со владата и индустријата, за да овозможиме силно закрепнување“, рече шефот на Боинг, Дејв Калхун.

Тој истакна дека тие продолжуваат да работат со глобалните регулатори и клиенти за безбедно враќање на патничките авиони 737 MAX.

Боинг ги прекина испораките поради две авионски несреќи во кои загинаа 346 патници. Во март 2019 година го забрани летот на авионите 737 MAX.

Од одобрението на американската администрација за цивилно воздухопловство (ФАА) да продолжи да работи во ноември минатата година, компанијата испорача повеќе од 85 од овие авиони на клиенти ширум светот.

Приходите на Боинг за 2020 година беа 58,2 милијарди долари. Тоа е пад од 24 проценти во однос на приходот од 2019 година, кога изнесуваше 76,6 милијарди долари.