Аналитика
Соединетите држави би можеле да го отстапат своето лидерство на глобалниот пазар за рафинирање на нафта на Кина во 2021 година, пренесува „Блумберг“, повикувајќи се на прогнозата на Меѓународната агенција за енергија
Во Соединетите држави рафинериите се затвораат, на пример, „Royal Dutch Shell“ во Луизијана, која не беше премногу застарена.
Наспроти тоа, во Кина се градат најмалку четири нови компании – нивниот вкупен капацитет ќе биде 1,2 милиони барели дневно, што може да се спореди со капацитетот за рафинирање на нафта во Велика Британија.
Глобалната побарувачка на гориво е намалена поради пандемија, што исто така, влијае на производството на нафта и рафинирање, кое падна за рекордни 1,7 милиони барели. Повеќе од половина доаѓаа од американски фабрики.
Покрај тоа, кризата ги забрза промените во тоа кој и како троши нафта: побарувачката за пластика и нафта расте во Кина и другите азиски земји. За разлика од САД и Европа, каде што тие се борат со подлабока економска криза. Покрај тоа, ситуацијата ја влошуваат долгорочните изгледи за побарувачка на нафта поради преминот кон алтернативни извори на енергија.
Порастот на рафинирање на нафта во Кина, заедно со изградбата на рафинерии во Индија и на Блискиот исток, се рефлектира во глобалниот енергетски систем. Кинеските компании сега зајакнуваат на меѓународните пазари на горива. Во исто време, како што се наведува, ова е проблем не само за Соединетите Американски Држави, туку и за другите азиски земји.
Истражувачката компанија „Вуд Мекензи“ забележала дека повеќе од половина од капацитетот за рафинирање на нафта ќе се произведува во овој регион и дека ќе биде фокусиран на пластика.
„Кина веројатно ќе ги престигне Соединетите држави во следните година или две“,вели Стив Соер, директор на „Факт глобал енерџи“.
Сепак, и покрај растот на капацитетите во Кина, Индија и Блискиот исток, на индустријата може да и требаат години за да се опорави од штетата предизвикана од Ковид 19.
