Британците го критикуваат Безос, најбогатиот човек на планетата

Интернет трговијата на мало, „Амазон“, минатата година плати даноци од само 293 милиони фунти во Велика Британија, пишуваат британските медиуми.

Како резултат на тоа, „Амазон“ е под притисок на јавноста откако плати само 293 милиони фунти британски данок и покрај фактот што основачот на компанијата, Џеф Безос е најбогатиот човек во светот со нето вредност од 193,5 милијарди долари.

Иако пред неколку дена тој беше официјално прогласен за прв човек во историјата со надминување на богатството од 200 милијарди долари, во меѓувреме таа бројка падна бидејќи паднаа акциите на шесте најголеми технолошки компании.

Безос е постојано под напад, пред се поради лошата деловна политика, т.е. односи со вработените, но и затоа што тој не плаќа даноци во САД.

Неговата компанија порасна за време на пандемијата, тој го зголеми своето богатство, но не и платата на вработените.

Како што пишуваат британските медиуми, упатен е апел до британската Влада да реагира, бидејќи зад оваа империја стои најбогатиот човек на планетата.

На овие критики „Амазон“ вели дека индиректно плати 854 милиони фунти данок, од кои повеќето се данок на промет по зголемувањето на приходите од продажба и данокот поврзан со вработувањето и зголемувањето на платата. Исто така, се наведува дека данокот на добивка е помал, што е резултат на зголемените капитални трошоци и трошоците за истражување и развој.

Во 2019 година, „Амазон“ инвестираше повеќе од 690 милиони фунти во својата инфраструктура, истовремено проширувајќи го своето портфолио на дистрибутивните центри и отвори канцеларија на компанијата во Манчестер.

Групацијата информира дека има инвестирано повеќе од 23 милијарди фунти директно во својот бизнис во Велика Британија од 2010 година. Компанијата продолжи рапидно да се шири во земјата минатата година, бидејќи годишните приходи пораснаа за 26% на 13,73 милијарди фунти. Се известува дека профитот пред оданочување изнесувал 101,94 милиони фунти за 2019 година, и 75,4 милиони фунти профит за 2018 година.

Американскиот гигант, кој успешно се спротивставува на кризата од корона вирусот, ги забрза своите напори за проширување во Велика Британија во 2020 година, откако пандемијата ја стимулираше побарувачката. Минатата недела „Амазон“ објави дека планира да вработи уште 7.000 лица од Велика Британија, кои „ќе и помогнат за стратегијата за раст на Амазон“.