„Амазон“ растури! Нето приходите изнесуваат 108,5 милијарди долари

Американскиот технолошки гигант „Амазон“ објави значителен раст на приходите и профитот во првиот квартал благодарение на растот на трговијата преку Интернет поради пандемијата на коронавирус и бизнисот со облачни услуги.

Нето добивката на „Амазон“ во првиот квартал е 8,1 милијарди долари, споредбено со истиот период лани, кога тој беше 2,5 милијарди долари. Нето приходите пораснаа 44 проценти, или 108,5 милијарди долари. Приходите од продажба на реклами и други производи пораснаа за 77 проценти, или 6,9 милијарди долари.

Извршниот директор Џеф Безос ги истакна резултатите од одделот за облачни услуги Amazon Web Services (AWS).

„За само 15 години, AWS се разви во оддел со годишни приходи од 54 милијарди долари и сега се натпреварува со најголемите светски технолошки компании“, нагласи Безос.

AWS ги зголеми приходите за 32 проценти во првиот квартал, на 13,5 милијарди долари.

Компаниите се повеќе избираат да му ја доверат работата на „Амазон“ за одржување на технолошката инфраструктура и очекуваме овој тренд да продолжи и со преминот во периодот на опоравување по пандемијата, изјави финансискиот директор Брајан Олсавски.

На почетокот на ковид 19 пандемијата, клиентите се свртеа кон услугите за доставување до домови на Амазон, а компанијата верува дека овој тренд ќе продолжи и по пандемијата, особено кога станува збор за намирници.

За време на периодот на затворени физички продавници, Амазон испорача фантастична добивка во четири последователни квартали, каде привлече 200 милиони претплатници во програмата за лојалност Prime и вработи повеќе од половина милион луѓе за да ја задоволат зголемената побарувачка.

Тие предвидуваат нивниот оперативен профит во тековниот квартал да биде помеѓу 4,5 и 8 милијарди долари, што вклучува околу 1,5 милијарди долари трошоци поврзани со Ковид-19.

За време на пандемискиот период, компанијата го интензивираше купувањето товарни авиони и изгради нови магацини со цел да биде што е можно поблиску до клиентите и да ги скрати роковите на испорака. Менаџментот планира да ги зголеми платите на повеќе од половина милион вработени, што ќе ја чини компанијата повеќе од милијарда долари.

Компанијата исто така најавува дека ќе ги зголеми трошоците за видео содржини оваа година. Потрошувачите веќе со часови гледаат содржина на Амазон, рече Олсавски.