Зошто Алибаба се откажа од американските потрошувачи?

Алибаба е најголемата платформа за е-трговија во Кина. Во својот последен извештај за заработка, Алибаба изјави дека има 636 милиони годишни активни потрошувачи на своите места за малопродажба во Кина. Како референтна точка, тоа е скоро двојно повеќе од целата популација на Соединетите држави. Но, и покрај тоа, Алибаба сè уште не е добро познат бренд за многу Американци.

Нема многу причини Алибаба да го следи американскиот потрошувач затоа што нивниот пазар во Кина е многу поголем. И сè уште расте. Кога размислувате колку е голема средната класа и колку брзо расте, во средната класа има 300 милиони луѓе што Алибаба може да ги таргетира. Тоа е повеќе од пазарот во САД. Алибаба за прв пат се насочи на американскиот пазар во 2014 година. Во тоа време, тоа беше најголемата почетна јавна понуда кога таа собра 25 милијарди американски долари. Тоа го направи основачот и претседател на Алибаба, Џек Ма, најбогатиот човек во Кина. 

Алибаба сега вели дека нејзината стратегија никогаш не била да се натпреварува со Амазон и Ибеј. А, фокусот отсекогаш бил на американскиот бизнис, а не на американскиот потрошувач. Цек Ма веќе некое време зборува за обидот да им помогне на американските мали бизниси да ги продаваат своите производи на платформата Алибаба. Пред неколку години, Џек Ма, застана покрај претседателот Трамп и рече дека ќе му донесе милион работни места во САД. Но овој број беше разбран погрешно.

Алибаба никогаш немаше да ангажира милион луѓе во САД. Бидејки овие беа индиректни работни места. Алибаба вели дека сака да им олесни на американските бизниси да ги продаваат своите производи на кинескиот пазар и на кинеските потрошувачи. И овие работни места ќе бидат индиректни. 

Но, трговските тензии меѓу САД и Кина предизвикаа Ма да се повлече од ветувањето. Во септември 2018 година, Ма изјави, „ветувањето беше дадено на премисата на пријателско американско-кинеско партнерство и рационални трговски односи. Таа премиса веќе не постои денес. Значи, нашето ветување не може да се исполни“. 

Коментарот дојде само неколку дена откако Ма објави дека ќе се повлече од својата улога на претседател на Алибаба. Сепак, тој додаде дека Алибаба „нема да престане да работи напорно за да придонесе за здрав развој на трговијата меѓу Кина и САД“. Досега, Алибаба соработуваше со голем број на водечки американски брендови за да им помогне да добијат основа во кинескиот пазар.