Аналитика
Акциите на Алибаба незапирливо паѓаат на берзите, поради што се скратува богатството на сопствениците на онлајн компанијата и некогаш најбогатите Кинези.
Како што продолжуваат проблемите на технолошкиот гигант, така и богатството на сопствениците на Alibaba драматично се „стопи“.
Милијардерот Џек Ма, некогаш најбогатиот Кинез, изгубил дури 30 милијарди долари во изминатата година и во моментов, според проценките на Форбс, е „тежок“ со само околу 38,6 милијарди долари, во споредба со максималните 66,6 милијарди долари на богатството на својот врв на Алибаба акциите на берзите.
Само во петокот, по нов пад на вредноста на акциите на Alibaba, Ма загуби дополнителни 350 милиони долари.
Alibaba Group минатата недела објави разочарувачки квартални приходи и ги наруши прогнозите за следната година.
Приходите на кинеската компанија во вториот квартал се пониски од очекувањата на пазарот бидејќи забавувањето на потрошувачката во Кина и нарушувањата во синџирот на снабдување го погодија нејзиниот сектор за е-трговија, според објавените финансиски резултати на компанијата.
Ројтерс наведува дека деловните резултати на Алибаба пропаднале во вториот квартал од фискалната година на компанијата и дека по објавувањето на извештајот, акциите на Алибаба котирани на Њујоршката берза, кои изгубиле 30 отсто од вредноста досега оваа година, потонале 2,4 проценти на Вол Стрит во петокот.
Големите кинески технолошки компании, додава британската агенција, се исто така под притисок од построгите прописи донесени од кинеските регулатори, наведувајќи ги антимонополските и безбедносни причини.
