Аналитика
Гигантскиот производител на спортска опрема „Адидас” соопшти синоќа дека 30 проценти од сите нови вработувања во САД ќе бидат Афроамериканци или Латиноамериканци, во момент на протести против расизам, кои ја потресоа државата речиси две недели.
„Настаните во изминатите две недели предизвикаа сите да размислиме за тоа што можеме да сториме за да се спротивставиме на културните и системските сили кои го одржуваат расизмот”, наведе извршниот директор на „Адидас”, Каспер Рорстест во соопштението.
Спортскиот гигант ја објави новата мерка, меѓу неколку други, истиот ден кога беше и погребот на Џорџ Флојд, Афроамериканец убиен при приведување од американската полиција од белец полицаец. Вработените во „Адидас” неодамна ја критикуваа компанијата дека не сторила доволно за борба против расната дискриминација.
Германската групација, исто така, објави дека во текот на следните четири години, ќе зголеми на 20 милиони американски долари финансирањето за своите програми што ги поддржуваат Афроамериканците – програма за кошарка за недоволно развиени заедници, финансирање за училиште за дизајн на „Адидас” и програма за поддршка на црна заедница преку спорт.
Адидас исто така вети дека ќе обезбеди 50 стипендии за своите вработени Афроамериканци секоја година за следните пет години.
Погледнете ја листата на Топ 100 најголеми работодавачи за 2019-та година.
Дознај кои се 100-те најголеми компании по приходи во Македонија, –> [ топ 100 најголеми ]
