2,8 милијарди евра циркулираат надвор од банкарскиот систем во Албанија

Повеќе од 2,8 милијарди евра циркулирале надвор од банките во Албанија на крајот на 2020 година. Сопред официјалните податоци на албанската Централна банка,  забележано е највисокото историско ниво од кога почнало да се објавува овој податок во 2002 година.

– Се чини дека и пандемијата со коронавирусот, исто така, го зголеми протокот на пари во готово и покрај преземените мерки од властите за поттикнување на употребата на банкарската индустрија. Од крајот на февруари, пред да започне пандемијата, овој показател се зголемил за повеќе од 55 милијарди леки. Во однос на вкупниот износ на пари, надвор од банкарскиот систем циркулираат 23,6 отсто, пренесува ТВ „Ора њуз“.

Нивото на пари од околу 24 отсто што се надвор од банките од вкупниот износ е многу повисоко од просекот на Европската Унија и на регионот. Според податоците на Европската централна банка, нивото на пари надвор од банките во еврозоната е околу 9 отсто од вкупниот износ.