Аналитика
Јордан Борисов Христов е член на Надзорниот одбор на Централна кооперативна банка. Народната банка издала претходна согласност.
„Ве известуваме дека на ден 22.01.2025 година од страна на Народната Банка на Република Северна Македонија е издадено Решение со кое се издава претходна согласност г-дин Јордан Борисов Христов да биде именуван за член на Надзорниот одбор на Централна кооперативна банка АД Скопје за период од 4 (четири) години“, се вели во информацијата на оваа банка, која преку Македонска берза известува за промената во овој орган на управување.
Христов доаѓа на местото од Георги Димитров Константинов, кој во октомври поднесе оставка. Тој беше заменик претседател на Надзорниот одбор, а неговото име се уште е мешу членовите. Според податоците на веб-страница од ЦКБ, во Надзорниот одбор се и Тихомир Ангелов Атанасов (претседател), членовите Христо Георгиев Христов и Јонко Петров, како и независните членови Светослав Мичев и Вангел Спиров.
