Аналитика
Преку едукација и стручно усовршување на менаџментот и на Стручната служба, Комисијата за хартии од вредност се вклучи во кампањата “Европски месец на сајбер безбедност”, која годинава го носи слоганот #избериДаБидешСигуренНаИнтернет.
Сите вработени, вклучувајќи го и раководството ја следеа on-line обуката за Сајбер безбедност која ја спроведува Агенцијата за електронски комуникации, по што следеше тестирање на стекнатато знаење и доделување на сертификати.
Комисијата за хартии од вредност во континуитет вложува во оваа сфера преку подготовка на едукативен материјал кој се објавува на веб страната со цел подигање на свеста кај посетителите за важноста од сајбер безбедност и за заштита од сајбер закани.
Кампањата “Европски месец на сајбер безбедност” ја прославува својата 10-годишнина, откако за прв пат беше лансиранa во 2012 година од страна на Европската Унија.
По 10 години, постојана еволуција и осврт кон подигање на свеста за едукација во оваа област, кампањата достигна високо ниво на зрелост и стана водечка активност, помагајќи му на поединецот да го промени однесувањето на интернет, да го подобри начинот на кој дејствува кога ќе се соочи со закана за сајбер безбедност и на крајот да ја постигне целта за намалување на сајбер инцидентите.
