Аналитика
Русија за првпат везе во фаза на неплаќање на странските обврзници откако болшевиците одбија да платат за огромниот куп долгови по Револуцијата во 1917 година, но нејзината економија од 1,8 трилиони долари сè уште не покажува знаци дека тоне. Санкциите наметнати од Западот поради руската инвазија на Украина го донесоа најголемиот надворешен шок на руската економија од падот на Советскиот Сојуз во 1991 година, но економијата – досега – беше неверојатно отпорна.
Рускиот „дифолт“ односно банкрот од 2022 година, објавен од САД во понеделникот, но отфрлен од Кремљ, е многу различен од должничките кризи од претходните години: во 1918 година болшевиците не сакаа да платат, во 1998 година Русија не можеше да ги плати своите внатрешни долгови, но, овој пат, Москва може да плати и вели дека е подготвена, но Западот го спречува тоа.
Ова се петте знаци дека руската економија е сè уште отпорна: http://pari.com.mk/bankrotirana-ama-polna-kesh-pet-znaci-deka-rusija-se-uste-ne-tone/
Во меѓувреме, Руската рубља денеска зајакна во однос на доларот, достигнувајќи го највисокото ниво во последните седум години од близу 50 рубљи за долар, првпат од мај 2015 година. Оваа година рубљата стана најуспешната валута во светот на пазарите на пари, а..
Г7 САКА ДА ВОВЕДЕ ЕМБАРГО ЗА ТРАНСПОРТ НА РУСКАТА НАФТА
Водачите на најбогатите држави зазедоа став за поддршка на Украина „колку што е потребно“ додека продолжува руската инвазија, и рекоа дека ќе истражат далекусежни чекори за ограничување на приходите на Кремљ од продажбата на нафта што ја финансираат војната. Во завршната изјава од вторникот од самитот на Групата седум во Германија, беше подвлечена нивната намера да наметнат „тешки и непосредни економски трошоци“ на Русија. Читајте на следниот линк http://pari.com.mk/g7-saka-da-vovede-embargo-za-transport-na-ruskata-nafta/
БРИКС СТАНУВА СЕ ПОСИЛЕН: Иран и Аргентина сакаат да се приклучат кон економската групација
Иран поднесе барање да стане членка на групата на економии во развој позната како БРИКС, изјави во понеделникот ирански претставник. Членството на Иран во групата БРИКС, која ги вклучува Бразил, Русија, Индија, Кина и Јужна Африка, „ќе резултира со додадени вредности за двете страни“, рече портпаролот на иранското Министерство за надворешни работи.
„Додека Белата Куќа размислуваше што друго да исклучи во светот, да забрани или расипе, Аргентина и Иран се пријавија да се приклучат на БРИКС“, напиша Захарова на апликацијата за пораки Телеграм.
Русија долго време се залага за воспоставување поблиски врски со Азија, Јужна Америка и Блискиот Исток, но неодамна ги интензивираше напорите да ги надмине санкциите наметнати од Европа, Соединетите Американски Држави и други земји поради нејзината инвазија на Украина.
ЧИТАЈТЕ УШТЕ
„АЛКАЛОИД“ ПУШТИ ВО УПОТРЕБА НОВА ИНВЕСТИЦИЈА ВРЕДНА 1,3 МИЛИОНИ ЕВРА
ШТРАЈКОВИ, ОТКАЗИ И ОДЛОЖЕНИ ЛЕТОВИ: ХАОСОТ НИЗ ЕВРОПСКИТЕ АЕРОДРОМИ ПРОДОЛЖУВА
ЛИСТА НА ТОП 10 НАЈПРОДАВАНИ ПАМЕТНИ ТЕЛЕФОНИ ЗА АПРИЛ 2022 ГОДИНА
