Аналитика
НЛБ Банка е една од водечките Банки во Р.С.Македонија и лидер на пазарот во делот на современи банкарски услуги. Својот успех го темели на тимот на посветени вработени, висококвалитетните стандарди во работењето, модерната инфраструктура на информатичката технологија и успешната пазарна стратегија.
Банката силно верува дека високо квалитетните вработени се најголем капитал и движечка сила, за таа цел Секторот за внатрешна ревизија во НЛБ Банка го зајакнува својот тим со потенцијални динамични и мотивирани кандидати заинтересирани за следното работно место:
ИТ Ревизор во Сектор за внатрешна ревизија
Твоите работни цели:
- Спроведување Ревизорски прегледи на развој, планирање, одржување и дополнување на хардверски и софтверски решенија, ревизорски прегледи на сигурност на информативниот систем, утврдување на ИТ ризиците поврзани со функционирање на банкарските ИТ системи и предлагање на мерки за нивно надминување;
- Следење на преземените мерки по издадени ревизорски препораки;
- Самостојно планирање и извршување на ревизии на информационите системи на Банката, како и учество во заеднички ревизии на останатите функции во Банката;
- Извршување на детални анализи за оценка на ефективноста и ефикасноста на ревидираниот процес/функција, како и неговата усогласеност со локалната регулатива и корпоративните политики и процедури;
- Проценка на општата ефикасност на работењето на системите и сигурност на информативниот систем;
- Следење и спроведување на интерните процедури и политики во делот на ИТ и сигурност на информативните системи;
- Соработка со надворешни ревизорски куќи, внатрешната ревизија на НЛБ Групацијата, супервизија на НБРСМ и останати државни институции;
- Учество во проектите за примена и усогласување на работењето на Банката согласно барањата на релевантните тела на Банката и НЛБ Групацијата, како и надворешни релевантни регулаторни тела, законски регулативи и стандарди.
Твојот профил:
- Универзитетско образование од областа на компјутерски / информатички науки;
- Соодветно работно искуство во извршување на ИТ ревизии или искуство во областа на информациони системи
- Одлично познавање, специјализација и искуства во развој на хардверски и софтверски решенија во Microsoft околина;
- Познавање на деловните банкарски технологии и процеси
- Професионални сертификати од областа (CISA, CISM или еквивалентно) и познавање и искуство во спроведување на Меѓународните стандарди за професионална практика на внатрешната ревизија, ќе се сметаат за дополнителна предност;
- Спремност за самостојна работа и предлагање на нови методологии и пристапи во работата;
- Способност за тимска работа и комуникациски вештини;
- Аналитички вештини и способност за оценка, планирање, контрола и одлучување;
- Одлично познавање на англиски јазик како и стручно и напредно користење на MS Office.
Твој мотив да ни се придружиш:
- Препознатлив регионален бренд и современо работно опкружување;
- Меѓусебната доверба и грижа за другиот се основни начела во работењето;
- Напредна обука и индивидуален кариерен развој; менторство од врвни банкарски експерти;
- Конкурентен пакет на плата и надоместоци.
Заинтересираните кандидати своите кратки биографии можат да ги достават на следниот линк со избирање на работната позиција или на [email protected] најдоцна до 23.05.2021 година.
Само кандидатите кои ги исполнуваат основните критериуми ќе бидат контактирани за интервју.
НЛБ Банка е работодавач кој нуди еднакви можности за сите.
Најголем број од работните места во НЛБ Банка се пристапни за лица со физички попречености.
