Аналитика
Ратите на кредитите од финансиските друштва и лизинг компаниите се намалуваат за најмалку 70% во следните три месеци за граѓаните, во насока на помош за надминување на ударите од Covid-19 !
Додава дека за овие срдства нема да смеат да се пресметуваат и наплатуваат трошоци провизии и казнени камати, обврските рамномерно ќе се распоредат на останатите рати во текот на исплатата, или може да се продолжи отплатата за најмалку 90 дена.
Според објавата на министерката известувањето за новите услови граѓаните ќе добијат преку веб-страната на финансиското или лизинг друштво, смс, е-маил или друга електронска комуникација. Ако во рок од 10 дена не ја одбијат понудата, истата ќе се смета за е прифатена. За правните лица ќе се одлучува индивидуално, по барање на самиот клиент, доставено исто така електронски.
Со намалување на законската затезна камата, ставката на вкупните трошоци кои се наплаќаат кои изнесуваа 51% од вкупната сума на кредитот, сега се намалуваат на 31%. Останатите трошоци кои досега не беа ограничени, сега се ограничуваат на 30% од одобрениот кредит, наведува министерката.
Нови договори за кредити пак, може да се одобруваат со 3 месеци грејс период по барање на корисникот и во тој период ќе се пресметува само договорна камата.
