Живко Мукаетов се стекна со нови акции во Алкалоид

Живко Мукаетов, генералниот директор на Алкалоид кој во април месец купи 500 обични акции во друштвото, истото го стори и сега.

Компанијата Алкалоид, преку Македонска берза извести дека Живко Мукаетов, Претседател на Управниот одбор и Генерален директор на АЛКАЛОИД АД Скопје, се стекна со 500 обични акции издадени од АЛКАЛОИД АД Скопје.

Г-дин Мукаетов, во континуитет вложува во акции во Алкалоид, и тоа е позитивна корпоративна пракса.

Алкалоид лани оствари добивка од близу 19 милиони евра, што е раст од 15 отсто во однос на лани. Во текот на минатата година реализирани се и 210 нови вработувања.

Добрите показатели продолжија и во 2021 година. Во првите три месеци Алкалоид има двоцифрен раст на добивката, консолидирани продажби од 3,27 милијарди денари, 58 нови вработувања во земјата и инвестиции од над 178 милиони денари. Остварената добивка по трошоци изнесува над 5,6 милиони евра.