Димитар Ковачевски во „Каде се парите?“: Курти е дел од политиката во Македонија

КУРТИ Е ДЕЛ ОД ПОЛИТИКАТА ВО МАКЕДОНИЈА

Поранешниот премиер и поранешен лидер на СДСМ, Димитар Ковачевски, во своето прво медиумско појавување по изборите на осми мај годинава за поткастот „Каде се парите“ со Горан Теменугов вели дека неговата партија не можела да направи голема коалиција со партиите на Албанците, бидејќи во целата работа се вмешал лидерот на Самоопределување и премиер на Косово, Албин Курти. Курти, вели Ковачевски, е клучот за да се формира Влен и да се прати ДУИ во опозиција.

„Не можеше да се направи голема коалиција ниту помеѓу СДСМ и албанските партии, од причина што албанската опозиција од причина што овој пат беше окрупнета и засилена, и логистички поддржана од Косово. Имаше свој претседателски кандидат, проминентна политичка фигура, а тоа е господинот Арбен Таравари кој сега е министер за здравство. Тоа ДУИ го стави во позиција да мора да истрча со свој претседателски кандидат. Тоа не беше случај на претходните избори пред пет години со оглед на тоа дека тогаш се направија првите обиди од страна на косовскиот премиер кој сакаше да биде протагонист во Македонија и е протагонист во Македонија, бидејќи кога се одржуваа состаноците, координациите и коалицијата е таму направена, тоа тие не го кријат, бидејќи за тоа постојат и снимки итн., и соопштенија од состаноците, всушност мораше да излезе со свој претседателски кандидат овој пат за разлика од претходниот кога не мораше.“

ДУИ НЕ ГО ОТКАЧИ СДСМ, МОРАШЕ ДА ОДИ САМА ПОРАДИ КУРТИ

Поранешниот премиер и поранешен лидер на СДСМ, Димитар Ковачевски, во своето прво медиумско појавување по изборите на осми мај годинава за поткастот „Каде се парите“ со Горан Теменугов вели дека ДУИ не го „откачила“ СДСМ и отишла сама на изборите. Според Ковачевски, јасно било дека не е можна заедничка листа СДСМ – ДУИ и формирање на Европски фронт, бидејќи во предизборната игра се вклучи Албин Курти кој директно стои зад Влен, која е сега партнер на ВМРО-ДПМНЕ.

„Никој никого не откачил. Јас во одговорот претходно Ви кажав дека таа коалиција не беше изводлива затоа што Влен веќе беше …

– кога знаевте дека не беше изводлива?

– 2023 година.

– Во 2023 година веќе се знаеја контурите дека веќе нема шанса?

– Се знаеше веќе дека Влен, потпомогнати од претседателот на Ветвендосја една држава, бидејќи тој настапува во својство на претседател на Ветвендосја тој има тука и свој подизведувач пратеник од Струга чинам дека е… не знам, да не погрешам, лапсус којшто тогаш практично ја формираа таа коалиција и која што беше постојано во комуникација со ВМРО-ДПМНЕ и на крај се ефектуираше во владина коалиција која што денес има двотретинско мнозинство во Собранието.

СО РЕБАЛАНСОТ НА БУЏЕТОТ ГИ ПЛАНИРАВМЕ +12% ЗА ОБРАЗОВАНИЕ

Поранешниот премиер и поранешен лидер на СДСМ, Димитар Ковачевски, во своето прво медиумско појавување по изборите на осми мај 2024 за поткастот „Каде се парите“ со Горан Теменугов вели дека нема ништо чудно што во буџетот за оваа година ги немаше ветените 12 насто за наставниците. Вели дека е вообичаено со ребаланс да се наоѓаат пари за одредени ставки, отфрлајќи дека овие пари морале да бидат предвидени уште при подготовката на буџетот кон крајот на 2023 година, иако ветувањето кон наставниците е токму од март лани и било познато дека ќе треба да има пари за поголеми плати.

„Но, овде фалат 12 проценти во масата на пари…

– Сето тоа се решава и тоа е зависно од приоритетите. Но, вие сте ги немале во декември.

– тоа ми е јасно. Јас кога дојдов премиер…

• Заборавивте…
• Чекајте. Имавме штрајк на просветните работници. Така беше?
• Да.
• Дали се најдоа 15 проценти зголемување?
• И договоривте 12 во март 2023.
• Таа ставка од 15 проценти од 2022 година не беше во Буџетот. Ја најдовме. Вие секогаш може да најдете. Може да прераспределите во Буџетот. Се е до приоритети.
• Но ова е позната величина.
• Вие може да прераспределите. Оваа Влада вика 100 милиони во општините. Пред изборите луѓето кажаа ќе инвестираат во општините. Вие нема да наоѓате мана во тоа. Од друга страна Синдикатот на просветните работници….

ТРЕТ МОБИЛЕН ОПЕРАТОР Е ДОБРЕДОЈДЕН, НО ПРАШАЊЕ Е ДАЛИ ЌЕ ИМА ИНТЕРЕС

Поранешниот премиер и поранешен лидер на СДСМ, Димитар Ковачевски, во своето прво медиумско појавување по изборите на  осми мај 2024 за поткастот „Каде се парите“ со Горан Теменугов вели дека е добредојдена конкуренцијата во телекомуникацискиот пазар. Тој смета дека нема ништо спорно ако сака да влезе нов мобилен оператор, но дека е прашање дали тоа финансиски е исплатливо. Ковачевски кој во минатото беше на високи раководни функции во двата мобилни оператори, смета дека влезот на било кој нов мрежен оператор е јасно и строго пропишан и дека само сериозни играчи можат да влезат во игра. Меѓу нив е и унгарскиот оператор 4iG групацијата.

„Секоја конкуренција на секој пазар е добредојдена. Ние имаме либерална економија. Дали ќе има интерес конкретен од страна на телекомуникацискиот оператор да влезе како трет мрежен оператор… да не заборавиме телекомуникацискиот е прилично сложен бизнис. Не е тоа трговија со патики па ќе купите камион па ќе дадете повисока цена… не е тоа баш така. Се работи за тарифи, се работи за софистицирана телекомуникациска опрема, стручен кадар кој што има многу висока цена во моментов заради развојот на телекомуникациите и софтверот како едни од основните средства за работа. Дали ќе има интерес, гледам дека едниот оператор, веќе потпишува писмо за намери со Владата. Дали тоа ќе го направат и другите треба да каже регулаторот за електронски комуникации. Во Македонија постои постапка како се одвива влез на трет мобилен фиксен оператор или систем операциски оператор којашто е компетитивна и во којашто може да учествуваат и други…

Целиот поткаст можете да го погледнете на линкот подолу