Бесими за ТВ 24: Новите реформи ќе имаат долгорочно влијание врз економијата

Министерот за финансии Фатмир Бесими во емисијата 24 анализа рече даночните реформи не почнуваат сега, тоа се дел од програмата на владата и се дел од стратегијата за реформи на данончниот систем кој е усвоен во декември 2020.

– Има акциски план 2021/2025. Затоа отвараме расправа, зошто реформата е поширока од што се зборува и сакаме да ги слушнеме сите засегнати страни. Важно е во квалитетот на овие реформи да има инкузивност во самиот процес. На 1 јануари 2023 прогресивниот данок на личен доход стапува на сила, оданочување на депозитите и данокот на капитална добивка. Затоа и беше отворена дебатата и секогаш ќе има дебата за тоа. Сакаме да ги слушнеме сите мислења и за енергетската криза. Се работи за реформи кои се системски и тие ќе имаат долгорочно влијание врз економијата. Главната цел на реформите не е само фискалните приходи од тие реформи, туку и правичноста на тие реформи. – рече Бесими.