Аналитика
Комерцијална банка со задоволство овозможи и оваа година да се додели значајната награда „Новите“ за најдобар дебитантски прозен ракопис, која ја доби Ениз Хилми за нејзиниот ракопис „Градот што не го засакав на прва”.
Комерцијална банка како ексклузивен спонзор обезбедува парична награда за лауреатот и средства за печатење и објавување на награденото дело.
Со нашата финансиска поддршка за наградата „Новите“, која ја доделува книгоиздателството „Темплум“, имаме за цел да ги охрабриме и мотивираме младите автори кои го прават својот прв чекор во светот на литературата.
„Веруваме дека уметноста и литературата се клучни за културниот напредок на општеството. Преку оваа поддршка сакаме да ги поттикнеме талентираните автори кои допрва почнуваат да ги претставуваат своите идеи и приказни и да им порачаме дека Полесно е заедно да стигнеме до заедничките цели,“ изјави Андреј Јовковски, директор на Самостојната дирекција за маркетинг во Комерцијална банка.
Комерцијална банка веќе 19 години е ексклузивен поддржувач на наградата „Новите“, со што придонесува за развој на младата книжевна сцена и за афирмација на литературата како важен дел од културниот живот во Македонија.
