Аналитика
Teva Pharmaceutical Industries, од Израел е виновна видејќи поттикнала зависност од опиоиди во државата Њујорк, утврди судот во оваа држава. Пресудата претставува уште еден удар врз компанијата која се соочува со илјадници други тужби поврзани со опиоиди низ Соединетите Американски држави.
Пресудата, која уследи по речиси шестмесечното судење во државата Њујорк во случајот што го покрена државата и два нејзини окрузи, не вклучува отштета, која ќе биде утврдена подоцна. Јавниот обвинител на Њујорк Летиција Џејмс го нарече исходот „значаен ден“ за државата и за „секое семејство и заедница растргнати од опиоиди“. Џејн Конрој и Хантер Школник, кои ги претставуваат окрузите Сафолк и Насау, исто така, ја поздравија како „масовна победа“.
Истовремено, акциите на Teva, кои се тргуваа повисоко, паднаа за повеќе од 7 процентни поени во Њујорк по одлуката. Во попладневното тргување тие беа намалени за 40 центи, или 4,7%, на 8,03 долари.
Во соопштението, компанијата рече: „Тева Фармацеутикалс силно не се согласува со денешниот исход и ќе се подготви за брза жалба, како и ќе продолжи да продолжи со судењето“. Се вели дека државата и окрузите не презентирале „никаков доказ за медицински непотребни рецепти, сомнителни или пренасочени нарачки“.
Њујорк и окрузите го обвинија производителот на лекови со седиште во Израел за ангажирање во погрешни маркетиншки практики што ја поттикнаа зависноста од опиоиди во државата, вклучително и охрабрување на нелегална употреба на лековите. Тие се фокусираа на лековите Actiq и Fentora, лекови против болки наменети за пациенти болни од рак направени од Cephalon Inc, компанија што Тева ја купи во 2011 година, како и генерички опиоиди што ги продава Тева.
3.300 ТУЖБИ ЗА ПОТТИКНУВАЊЕ НА ОПИОИДНА ЗАВИСНОСТ
Тужбата во Њујорк е една од повеќе од 3.300 поднесени од државните, локалните и домородните американски племенски влади ширум земјата, кои ги обвинуваат производителите на лекови за забошотување на информации за опасноста од создавање зависност од опиоидните лекови за болка, а дистрибутерите и аптеките за игнорирање на укажувањата дека продажбата на опасните лекови се пренасочува на нелегални канали. Во текот на судењето на израелската компанија, пред судот беше емитувана филмска пародија во којa негативецот, д-р Евил од филмовите „Остин Пауерс“, зборува за промовирање на лековите за неканцерогена болка, и друго видео, базирано на сцена во судницата во филмот „Неколку добри мажи“, во која вработен во Цефалон му кажува на адвокатот кој го игра Том Круз дека „не може да се справи со вистината“ за тоа што како треба да се однесуваат трговците со лекови за да ги исполнат квотите за продажба.
Израелската компанија на суд се бранеше напливот на рецепти за опиоиди се должела на на промената во медицинските стандарди за нега, нагласувајќи го третманот на болка, која се случила во 1990-тите и дека нејзината продажба на опиоиди е во согласност со федералните и државните регулативи на Њујорк. Поротата најде дека државата е делумно виновна, одредувајќи ѝ 10% одговорност.
Според американските власти, за само две децении, до 2019 година, опиоидната криза во САД довела до речиси 500.000 смртни случаи од предозирање со лекови за болка, меѓу кои најпознат е фентанилот. До април 2021, пак повеќе од 100.000 луѓе починале од предозирање со фармацевтски опиоиди, објави американскиот Центр за контрола и превенција на болести во извештајот во ноември, што е рекорд во голем дел од смртните случаи од опиоиди како фентанил.
Другите обвинети во случајот се спогодија пред или за време на судењето – големите аптеки, дистрибутерите McKesson Corp, AmerisourceBergen Corp и Cardinal Health Inc, и производителите на лекови Џонсон и Џонсон, Endo International Plc и AbbVie Inc. Порамнувањето на AbbVie, за 200 милиони долари, дојде на самиот крај на главниот претрес, на денот на завршните зборови. Спогодбата со Џонсон и Џонсон и дистрибутерите беше дел од зделка на национално ниво во вредност до 26 милијарди долари. Тева не учествуваше во таа зделка.
Откако беше вовлечен во сличен сличај пред американските судови, производителот на OxyContin, Purdue Pharma, поднесе барање за стечај во 2019 година во надеж дека ќе ја реши поплавата од судски процеси за лекот против болки преку договор во кој поранешните сопственици на компанијата, членови на семејството Саклер, ќе платат 4,5 милијарди долари во замена за имунитет од идните тужби. Сепак, федералниот судија на 17 декември го раскина договорот, одлука што компанијата требаше да ја обжали.
