Аналитика
Откако акциите со канабис предизвикаа вистинска мешаница на финансиските пазари во 2017/2018 година, берзата би можела да добие ново опојно средство во 2020 година. Се работи за „волшебни“ лековити печурки, имено канадскатата компанија IPO за печурки Шампињон-Брендс може да ги доведе инвеститорите во нов бизнис предизвик.
Веќе не станува збор за активните состојки кај канабисот тетрахидроканабинол (ТХЦ) и канабидиол (ЦБД), туку супстанциите псилоцибин и псилоцин кои се содржани во т.н. волшебни печурки.
Според експертите многу малку истражуваниот псилоцибин, кој главно се јавува кај специјалните видови печурки, влева медицинска и терапевтска надеж. За активната состојка се вели дека е погодна за третман на нарушувања на зависност, анксиозност, мигрена и депресија.
За целосно да ја испитаат потенцијалната ефикасност на оваа супстанца, голем број истражувачки институции ширум светот сега се занимаваат со активната состојка.
Во 2016 година, две американски студии дури требаше да докажат дека псилоцибинот може да ја ублажи вознемиреноста и депресијата кај луѓето со тежок карцином, пренесува порталот Индикатор.
Според тоа, угледот на супстанцијата, која веќе била истражувана во 1960 и 1970, значително се променила. Иако псилоцибинот одамна е познат како опасна опојна, хипи-дрога и замена за LSD, психоделичната супстанција сега се смета за потенцијален лек за чудо.
