Аналитика
Акциите на Комерцијална банка остануваат најатрактивни за тргување на Македонската берза. Податоците за месец август покажуваат дека акциите на оваа банка биле најатрактивни на берзата изминатиот месец. Со акциите на Комерцијална банка е направен промет од 183.681.002 денари или околу 2.987.006 милиони евра.
Количински се истргуваа 17.848 акции, по просечна цена од 10.291 денари, остварени во 641 трансакции.
На второ место најтрагувани акции во август се акциите на Макпетрол со промет од 59. 569.579 денари или 968.696 евра. Во 174 трансакции, истргувани се вкупно 773 акции, по просечна цена од 77.062,84 денари по акција.
Во топ три, на трето место со промет од 59.524.166 денари или 967.984 евра се акциите на НЛБ Банка, каде во месец август количински се истргувани 2.323 акции, во 161 трансакција по просечна цена од 25.623,83 денари по акција.
Вкупно овие три акции во месец август свртеа промет од 4.923,686 евра.
