Аналитика
TikTok има милијарда активни корисници месечно ширум светот, откри денеска кинеската компанија, која бележи постојан раст на популарноста на нејзината апликација за размена на кратки видео содржини.
Растот на бројот на корисници на „TikTok“, кој е во приватна сопственост на кинеската компанија „Биденс“, беше поддржан и од голем број Американци кои се приклучија на таа социјална мрежа за време на пандемијата „Ковид-19“, пренесува CNBC.
Во јануари 2018 година, TikTok објави дека има околу 55 милиони корисници на глобално ниво, и тој број порасна на повеќе од 271 милиони до декември 2018 година и на 507 милиони до декември 2019 година. Компанијата објави минатото лето дека има стекнато речиси 700 милиони месечни активни корисници.
Во извештајот на американската телевизија за масата на корисници на „Тикток“, како споредба е наведено дека „Фејсбук“ има 3,51 милијарди месечни корисници во рамките на „семејството“ на своите различни апликации во вториот квартал од оваа година, наспроти 3,45 милијарди во првиот квартал.
Понатаму се додава дека кинеската компанија лансираше една од најуспешните апликации за објавување кратки видео формати и дека многу од нејзините големи технолошки ривали се тркаат да направат сопствени верзии. Во тој контекст, се наведува дека Фејсбук лансираше клон верзија на TikTok – Instagram Rils минатиот август, Snapchat исто така објави слична функција наречена Spotlight минатата година, додека Google YouTube го објави својот адут за кратка видео содржина минатиот септември – апликацијата Shorts.
