Стајиќ, сопственици на GULF OIL во Македонија донира 1 милион денари на семејството Белчовски

Семејството Стајиќ, основачи и сопственици на компанијата Gulf Oil во Македонија кои и минатата година на дело ја покажаа својата хуманост со донација на 13 000 брзи бесплатни тестови за Ковид, како и донацијата од 1 милион денари за семејството на трагично починатата Емилија Динева чии органи беа донирани да се спасат други три животи, не запре.

Денес, 1 000 000,00 денари му донираат на семејството на трагично починатата Верица Белчовска, кое покажа колку е цврсто во болката. Белчовски во најтешките моменти одлучија да ги донираат органите на нивната ќерка и сестра, а нејзиното срце и бубрези спасија живот на тројца млади луѓе, на возраст од 22, 27 и 40 години.

„Да се донесе одлука да се даруваат органите на своето дете во моменти кога го губите засекогаш, потребно е многу сила, љубов и хуманост – да мислите на туѓ живот кога го губите своето најмило. Белчовски во овие моменти се неутешни и не постои збор што може да ја намали нивната болка која им ја гребе душата и не им дава мир. Луѓето кои носат вакви одлуки се посебни. Не постои човек кој не им е бескрајно благодарен, бидејќи ни покажаа дека живот сепак може да се подари – велат од семејството Стајиќ, изразувајќи длабоко жалење до фамилијата за прераната загуба.