Сорос инвестира во Биткоин!?

NYDIG, фирмата што го олесни купувањето на 100 милиони долари вредни биткоини од MassMutual минатата година, собра 200 милиони долари од група големи имиња меѓу инвеститорите, пишува Coindesk.

Во рундата беа вклучени Stone Ridge Holdings Group, Morgan Stanley, New York Life, MassMutual, Soros Fund Management и FS Investments, објави NYDIG во понеделникот. Учествуваа и претходни инвеститори како што се Bessemer Venture Partners и FinTech Collective.

„Фирмите кои учествуваа во оваа рунда се повеќе од инвеститори – тие се партнери и секој за нас е добро познат со години“, рече Роберт Гутман, ко-основач и извршен директор на NYDIG.

Тој посочи дека NYDIG ќе работи со овие компании на стратешки иницијативи поврзани со биткоинот, вклучувајќи управување со инвестиции, осигурување, банкарство, чиста енергија и добротворни цели.

NYDIG се прослави во декември кога 169-годишната осигурителна компанија MassMutual се обложи на биткоин. Тогаш таа имаше удел од 5 милиони долари во NYDIG.

Фирмата оттогаш стана клучен партнер за усвојување на криптовалутата на Волстрит. Минатиот месец, Гутман изјави дека NYDIG веројатно ќе управува со биткоини за повеќе од 25 милијарди долари во име на своите клиенти до крајот на 2021 година.

„Во наредните месеци и квартали, внимавајте на експлозија на иновации во производите и услугите на биткоин обезбедени од NYDIG во партнерство со нашите нови инвеститори“, рече шефот на компанијата.