Аналитика
Денес Samsung Electronics го најави воведувањето на најновите Odyssey гејминг монитори и ViewFinity S8. Линијата Odyssey за 2025 година ги вклучува револуционерниот Odyssey 3D, извонредниот Odyssey OLED G8 – кој е прв 27 инчен екран на Samsung со 4K и со стапка на освежување од 240 Hz – и ултраширокиот Odyssey G9. Овие монитори, кои ги поместуваат границите на имерсивноста и технолошката извонредност, се внимателно дизајнирани за да им понудат врвно искуство на современите гејмери.
„Ние во Samsung посветено нудиме најсовремени технологии на екрани кои го унапредуваат гејминг искуството“, изјави Хун Чанг (Hoon Chung), извршен потпретседател на одделот за екрани во Samsung Electronics. „Новите Odyssey монитори претставуваат значителен чекор напред во иновациите, визуелниот квалитет и перформансите, овозможувајќи им на гејмерите целосно да се нурнат во светот на игрите и да постигнат врвни резултати.“
Влез во светот на 3D гејмингот со Odyssey 3D мониторот
Новиот Odyssey 3D (модел G90XF) монитор од 27 инчи носи досега невидено 3D гејминг искуство, кое не бара носење на специјални очила. Напредната технологија за следење на движењата на очите и оригиналната биконвексна леќа овозможуваат 3D слика со висока дефиниција и реалистичен изглед, достапна преку апликацијата Reality Hub[1], благодарение на која акцијата „скока“ од екранот и внесува нова енергија и имерсивност во игрите и видео содржините.
Samsung активно соработува со водечки креатори на игри за целосно искористување на оваа 3D технологија:
- Соработка со компанијата Nexon на играта The First Berserker: Khazan, чиј официјален старт беше на 28 март
- Соработка со компанијата Neowiz на одлично оценетата игра Lies of P. Првата содржина за преземање (DLC) од оваа компанија Overture, ќе биде достапна летово.
Овие партнери сега располагаат со неспоредливо ниво на контрола врз 3D ефектите, што им овозможува со голема прецизност да ја преточат својата креативна визија во реалност. Samsung планира да го прошири портфолиото на партнери со други глобални гејминг студија.
Освен во гејмингот, Odyssey 3D овозможува и AI видео конверзија, која ги претвора видео содржините во 3D, внесувајќи нов живот во речиси секој вид содржина[2]. Секоја сцена од компатибилната содржина се анализира и автоматски се конвертира во 3D, за стабилни 3D ефекти кои не ги заморуваат очите.
Odyssey 3D се истакнува и со импресивни гејминг перформанси. Стапката на освежување од 165 Hz и времето на одговор од 1 ms (GtG – сива до сива нијанса) овозможуваат интензивно и глатко гејминг искуство на 4K екран. AMD FreeSync™ Premium и NVIDIA G-SYNC Compatible дополнително го намалуваат „сецкањето“ на сликата и задоцнувањето на екранот, дури и при брзо и тешко играње.
Edge осветлувањето ја подигнува 3D имерсивноста на повисоко ниво, исполнувајќи го просторот околу екранот со светлина што се синхронизира со гејминг содржината. Го исполнува просторот под екранот со бои кои се синхронизираат со осветлувањето на екранот, подобрувајќи го 3D приказот и правејќи ја околината во играта пореална.
Odyssey OLED G8 има најголема густина на пиксели на 27-инчен екран
Надалеку препознатливиот OLED квалитет на сликата е унапреден уште повеќе со новиот Odyssey OLED G8 (модел G81SF). Достапен во варијанти од 27 и 32 инчи, 27-инчниот е првиот модел на Samsung со 4К монитор кој има неверојатни 166 пиксели по инч – најголемата најголемата густина на пиксели во индустријата за екран со таква големина – со 240 Hz. И двата модела на OLED G8 монитори нудат досега невидени перформанси и визуелен квалитет.
Новите 4K QD-OLED екрани носат неверојатни детали, подобрени бои и контраст од кој било агол на гледање, благодарение на технологијата со квантни точки. Со VESA DisplayHDR™ TrueBlack 400, мониторот нуди речиси неограничен контраст и живописни бои, дури и при стандардна осветленост од 250 нити. Технологијата без отсјај сертифицирана од Underwriters Laboratories (UL) му овозможува на екранот да создава помалку отсјај и на тој начин да ги намали застоите при употреба.
Сликата на екранот ја штити Samsung OLED Safeguard+. Овој оригинален систем за динамичко ладење користи прва во индустријата пулсирачка грејна цевка за да ја распореди топлината пет пати подобро од стандардните графитни слоеви, без да го прилагодува осветлувањето. На тој начин го штити екранот од прегорување и го продолжува неговиот работен век.
Стапката на освежување од 240 Hz и GtG времето на одговор од 0,03 ms го прават Odyssey OLED G8 гејминг монитор со врвни перформанси, овозможувајќи брзи и глатки движења на екранот. Поддржува AMD FreeSync Premium Pro и NVIDIA G-SYNC Compatible со цел да се спречат застои, прекини или треперење на сликата. Овие функции се комбинираат за ултра-глатко, динамично и имерсивно гејминг искуство.
Odyssey OLED G8 е исто така модерен додаток на секоја гејмерска опрема. Тенкиот метален дизајн се вклопува во секој простор, додека Core Lighting+ го опкружува корисникот со осветлување според содржината на екранот. И лесно се поставува благодарение на ергономскиот држач.
[1] Мора да се инсталира апликацијата Reality Hub. Апликацијата може да се преземе од Samsung.com или Microsoft Store. Само игрите наведени во апликацијата Reality Hub може да се пренесат за 3D гејминг.
[2] За да се активира 3D конверзија, Reality Hub мора да работи во системска трака и видеото мора да биде на цел екран. Некои видео плеери може да не поддржуваат 3D конверзија. 3D конверзијата не е достапна за DRM содржина или кога е вклучен режимот HDR. 3D конверзијата е поддржана само со графички картички NVIDIA. Се препорачува RTX 3080 или понова верзија. За најдобри 3D перформанси, се препорачуваат следните спецификации за компјутер: процесор: Intel i7 или повисок, AMD Ryzen 7 1700X или понова верзија.
Odyssey G9 им овозможува на уште поголем број гејмери да уживаат во гејминг на закривен ултра-широк монитор
Odyssey G9 (модел G91F) го носи гејмингот на ултра-широк екран до уште поголем број корисници, со поедноставен пристап кој не прави компромис со перформансите. Неговиот 49-инчен Dual QHD екран има закривеност од 1000R, овозможувајќи квалитетен визуелен приказ и возбудливо гејминг искуство.
Стапката на освежување од 144 Hz и времето на одговор од 1 ms (GtG) овозможуваат интензивен и брз гејминг, додека AMD FreeSync Premium Pro овозможува непрекинато и глатко движење без застои. Сертификатот VESA DisplayHDR 600 обезбедува живописни и јасни бои, а HDR10+ GAMING го унапредува екранот со подобра осветленост, контраст и поширока лепеза на бои за динамична слика.
Odyssey G9 нуди и одлични можности за извршување повеќе задачи истовремено, преку функциите „слика по слика“ и „слика во слика“. Благодарение на тоа, може да се гледа на два различни уреди во исто време, со опција за флексибилна големина во режимот „слика во слика“. Исто така, Odyssey G9 им помага на корисниците побрзо да ги стартуваат игрите преку функцијата Auto Source Switch+, која ги регистрира поврзаните уреди и автоматски ги прикажува веднаш штом се вклучат.
ViewFinity S8 – спој на удобност и ефикасност
Покрај гејминг мониторите за 2025 година, Samsung го претставува и 37-инчниот ViewFinity S8 (модел S80UD) — најголемиот 16:9 4K монитор на Samsung досега. Со екран кој е за околу 34% поголем од претходниот модел, ViewFinity S8 овозможува максимална продуктивност и ефикасност на својот 4K екран. HDR10 и можноста за прецизен приказ на една милијарда бои им обезбедуваат на професионалците алатки за успешно и ефикасно извршување на работните задачи.
ViewFinity S8 е дизајниран за удобност и ефикасност. Неговиот ергономски дизајн е сертифициран од страна на TÜV Rheinland како ергономски деловен екран, а функцијата за интелигентна заштита на очите има TÜV сертификат за намалување на напрегањето на очите кај корисниците[1]. Уредите може да се поврзат на струја преку USB-C конекција од 90 W и да се контролираат на мониторот со прекинувач за тастатура, видео и глушец (KVM) за лесно поврзување на уредите за работа и забава со овој повеќенаменски монитор.
Достапност
Новите Odyssey 3D, Odyssey OLED G8 и Odyssey G9 монитори се достапни за пред-нарачка од денес. За повеќе информации, кликнете тука.
За Samsung Electronics
Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, носивите уреди, таблетите, апаратите за домаќинство, мрежните системи и меморија, LSI системите, полуспроводниците и LED решенија и обезбедува беспрекорно поврзано искуство низ својот SmartThings екосистем и отворената соработка со партнерите. Најнови вести на Samsung Newsroom: http://news.samsung.com/mk/.
[1] Technischer Überwachungsverein (TÜV) Rheinland е една од водечките светски компании за услуги за тестирање која тестира, потврдува и сертифицира технички системи и производи.
