Аналитика
Веќе е ноември, а новиот европски буџет вреден 1,8 милијарди евра за наредниот седумгодишен период сè уште не доби светло на Европскиот парламент. Нервозата на работодавците е разбирлива со забрзувањето на епидемијата, земјите сè повеќе прибегнуваат кон блокирања и полициски час.
Работодавците собрани во чадор организацијата на „Бизнис Европа“ предупредуваат на деликатната состојба и предизвиците за закрепнување што можат да се влошат со избрзани потези.
Соочени со неизвесност, нееднакво и долготрајно закрепнување, европските работодавци бараат од членките да бидат претпазливи со предвремемното укинување на мерките за да им помогнат на нивните економии да не ризикуваат нова рецесија, додека сите погледи се насочени кон договорот за новиот буџет.
Здружението за лобирање во Брисел, кое ги претставува работодавците пред европските институции, во полугодишна публикација очекува дека европската економија ќе падне за 7,4 проценти во 2020 година поради епидемијата Ковид-19 и сродните блокади, проследено со раст од 5 проценти во 2021 година.
Огромен пад на инвестициите
Особено е важно да се задржи нивото на инвестиции како резултат на падот на приватните инвестиции, клучно е брзото спроведување на инструментот EU Next Generation.
Степенот на штетата од епидемијата ќе се сумира различно во одделни земји и региони. За некои тоа значи посилен удар со пад на БДП, а за други само минуси помеѓу 3 и 4 проценти. Според економските прогнози, Европската комисија очекува минус од 9,6 проценти, а следната година раст од 5,7 и 3,7 проценти во 2022 година.
