Аналитика
Добивка од 15,271 илјада денари или 248 илјади евра е резултатот од редовните работни активности на „Пелистерка“ АД Скопје спроведени во првиот годинешен квартал. Што е за два и пол пати повеќе од истиот период лани, кога чистата добика изнесувала 97,7 илјади евра, односно 6,020 илјади денари.
Податоците покажуваат дека компанијата, која бележи намалување на залихите од готови производи, на крајот од март имала оперативни приходи од 1,77 милиони евра (109,592 илјади денари), кои се повисоки во однос на споредбениот период – 1,75 милиони евра (108,133 илјади денари). Вкупниот износ е резултат на реализираната продажба на нивните производи. На домашниот терен се остварени 1,59 милиони евра (98,186 илјади денари), а на странските пазари 185,2 илјади евра (11,406 илјади денари). Во истиот период лани се работело за суми од 1,62 милиони евра и 129,3 илјади евра.
Состојбата од последниот ден на март покажува дека оперативните расходи изнесуваат 1,6 милиони евра (98,972 илјади денари) и не нешто повисоки од минатогодишните во тој период – 1,57 милиони евра (96,895 илјади денари).
Оперативната добивка, пак, е 16,098 илјади денари или 261,4 илјади евра, додека минатата година, во соредбениот перод, изнесувала 151,1 илјада евра (9,306 илјади денари).
