„Освежи го својот дом“ од 20 до 24 март – Саем на мебел во „Борис Трајковски“

Од 20 до 24 март во комплексот „Борис Трајковски“ ќе се одржи Саемот на мебел, на кој бројни производители ќе се претстават со над 70 истакнати домашни и интернационални брендови. Во петте саемски денови посетителите ќе имаат можност да изберат уникатни парчиња мебел и да слушнат добри совети за освежување на сопствените домови. Освен тоа, најавени се и големи попусти

Koнцептот и просторот за годинешното издание на Саемот на мебел се осмислени и адаптирани по највисоки стандарди. Организаторите нагласуваат дека „освен широка лепеза на парчиња мебел, на Саемот ќе бидат споделени уникатни и корисни совети за уредување, идеи за несекојдневни бои, насоки за одржливи материјали, како и неодоливи понуди од водечки брендови“.

Минатото издание на Саемот на мебел пречека и услужи над 15.000 посетители и тоа беше дополнителен мотив за организаторите веднаш да започнат со подготовките за 2024 година притоа порачуваат:

„За месец отсега во Скопје доаѓа вистинско освежување за сите љубители на квалитетен, автентичен и трендовски мебел. Од 20.03 до 24.03 ќе се одржи Саем на мебел 2024, затоа зачувај го датумот и ‘Освежи го својот дом’“.