Аналитика
Основачот на турската размена на криптовалути, Фарук Фатих Озер, наводно избегал од земјата со украдени две милијарди долари.
Озера кој има 27 години, е снимен од камера на аеродромот во Истанбул за време на проверка на пасошот. За него се верува дека побегнал во Албанија или Тајланд.
Обвинителите во Истанбул започнаа истрага во четвртокот откако берзата Озер нагло се затвори во средата и Озер ја напушти земјата со украдени инвестиции на стотици илјади инвеститори.
Компанијата на Озер со седиште во Истанбул, Thodex Exchange, ја продаде дигиталната валута Dogecoin, основана во 2013 година, за една четвртина од својата пазарна вредност, пренесува Јутарњи лист.
Податоците на пазарот од 17 април покажаа дека компанијата тргувала со Dogecoin во вредност од над 500 милиони долари во рок од 24 часа, но инвеститорите почнале да изразуваат загриженост кога сфатиле дека не можат да ги продадат или пренесат.
Во средата, Thodex нагло престана да тргува. Откриено е дека 391.000 инвеститори не можат да пристапат до нивните сметки, кои имаат повеќе од две милијарди долари.
Во соопштението на веб-страницата на компанијата се вели дека го прекинала работењето пет дена за „подобро да ги опслужува клиентите“.
Сепак, се чини дека Озер ја напушти земјата ден пред тоа соопштение.
Огуз Евген Килиќ. адвокат кој ги застапува инвеститорите во Thodex изјави дека е покрената постапка против Thodex. Во петокот, турската полиција уапси 62 осомничени како дел од истрагата.
Локалните медиуми пишуваат дека Озер е под истрага за сериозна измама и основање на криминална организација.
Наводно, ова е најголемата измама поврзана со крипто-валути.
