ОДМОРОТ СЕ ПРЕТВОРИЛ ВО КОШМАР: Српски државјани казнети со 95.000 евра во Грција

За сите што планираат одмор во Грција во своја организација, особено со приколки, мобилни куќи и скари, еве едно сериозно предупредување: Грчките власти преземаат мерки против нелегалното кампување и нелегалната градба, дури и на земјиште што го поседувате, пишува српски Телеграф.

На Фејсбук страницата на „Грчка Инфо“ неодамна беше објавена сторија што илустрира колку сериозни можат да бидат последиците ако се прекршат локалните закони.

Некои граѓани на Србија купиле парцели во близина на Лептокарија крај Егејското море. Иако станувало збор за парцела што, според грчкиот закон, не била наменета за градба, сопствениците поставиле мобилни куќи, санитарни јазли, скари на своите парцели и почнале да ги издаваат под наем.

Грчките власти реагирале брзо. Инспекцијата дошла на лице место и им наредила што поскоро да ги отстранат сите објекти, а сопствениците дополнително биле казнети и со парична казна од 95.000 евра.

Не е познато дали новиот закон поврзан со кампувањето бил применет, но речиси е сигурно дека биле прекршени градежните прописи, објавува Telegraf.rs.

Последниве години постои тренд граѓани од Србија и Македонија да купуваат неразвиено земјиште кое нема намена за градежна парцела, покрај морски брег и на него да постават приколки или мобилни куќи, кои потоа честопати и се издаваат. Овој случај е предупредување за секој што планира нешто слично. Казните во Грција за нелегална градба се строги и немилосрдни“, се вели во соопштението.

Грција, инаку, на почетокот на годинава ги поостри мерките за кампирање и престој на нелегални локации со тоа што го донесе закононот 5170/2025, изгласан на 16 јануари и во сила од 20 јануари 2025 година, и неговиот конкретно член 27 кој забранува:

„Поставување шатори и паркирање приколки, полуприколки и кампери на археолошки локалитети, крајбрежни брегови, плажи, рабови на јавни шуми и во општи јавни површини, како и бесплатно сместување на повеќе од една приколка од страна на приватни лица, без да се наруши член 34 од Законот за патен сообраќај (закон 2696/1999, A’ 57).

Прекршителите се казнуваат со затвор до три (3) месеци или со парична казна од следниот став, под услов да не е предвидена потешка казна со друга одредба, наредена истовремено од судот за нивно присилно протерување.

Се следи постапката утврдена со членовите 417 и следните од Законот за кривична постапка за истрага и судење за прекршоци поврзани со насилство.

Прекршителите се казнуваат со парична казна од триста (300) евра по лице или по камп или по превозно средство, изречена од полицијата или пристанишната управа што го потврдува прекршокот и наплатена, во согласност со одредбите од член 104 од Законот за кривична постапка.

При инспекции од мешани тимови, казната ја изрекува полицискиот орган присутен за време на инспекцијата. При паркирање на горенаведените возила, каде што е дозволено со Законот за сообраќај, не е дозволено да се зафаќа простор покрај возилото.

(Илустрација: Austrack)