Нетрговските трансфери со 636 акции на четири друштва

Акции на четри друштва што котираат на Македонска берза се забележани во нетрговските трансфери реализирани минатата недела. Регистрирани се 636 обични акции.

Работната седмица почнала и завршила со хартиите од вредност на скопски Алкалоид. Во понеделникот биле трансферирани 200, а во четвртокот 5 акции. Просечна цена, произлезена од последното тргување на 16 јануари, изнесува 25.987денари.

Сопственоста е сменета кај 393 обични акции на Гранит АД Скопје. Нивната просечна вредност е 1.580 денари.

Трансферирани се и 30 акции на Раде Кончар-Апаратна техника, чијшто просек е 2.435 денари. На Берзата, со овие акции последен пат се тргувало на осми месецов.

Статистиката на Централниот депозитар за хартии од вредност во вторникот го регистрирала само трансферот на 8 акции издадени од Комерцијална банка. Акцијата со просек од 27.733 денари е најтргуваната на официјалниот пазар.