Најголемите извозници на нафта во светот повторно повикаа на претпазливост

Заздравувањето на пазарот сè уште е во полн ек, рече денеска министерот за енергетика на Саудиска Арабија.

„Минатиот месец повикавме на претпазлив и воздржан пристап и, за среќа, следните настани покажаа дека сме во право“, рече принцот Абдулазиз бин Салман, отворајќи состанок на Организацијата на земјите извознички на нафта и нејзините сојузници, група популарно позната како ОПЕК+.

Според него, актерите на пазарот сега сфаќаат дека претпазливиот пристап на сојузот ОПЕК + беше вистинскиот тек на дејствување.

Бин Салман верува дека реалната глобална слика на пазарот на нафта покажува дека понудата и побарувачката се „далеку од избалансирани, а закрепнувањето не е ниту при крај“.